පට්ටා ගසන වල්ල පට්ටේ වගතුග
මේ කාලයේ බොහෝ ග්‍රාමීය ප්රදේශවල මෙන්ම නාගරික ප්‍රදේශවලද නිතර අසන්නට ලැබෙන ශාකයක නමක් වන්නේ වල්ලා පට්ටා ශාකය ගැනය. වල්ලා පට්ට කිලෝ 1 ක් හෝ 2ක් ඇතැතිව පුද්ගලයින් අත්අඩංගුවට ගැනීමට පොලීසිය කටයුතු කරනු ලැබූ අවස්ථා පසුගිය කාලයේ දිගින් දිගටම වාර්තාවිය.
වල්ලා පට්ටා ශාකය යනු කුමක්ද මෙතරම් මෙය වටින්නේ ඇයි ? මෙම ශාකය මෙතරම් වටින්නේ නම් එය අපට වගා කර පිටරට පැටවිය නොහැකිද එමගින් මිනිසුන් පමණක් නොව රටද දියුණු නොවන්නේද යන ගැටලුද විශාල වශයෙන් පැන නගී. මෙවැනි ගැටලු රාශියකට තුඩු දී ඇති මෙම ශාකය සම්බන්ධයෙන් විද්‍යත්මක හා කාලීන පැහැදිලි කිරීමක් හා වැඩමුළුවක් පරිසර හා පුනර්ජනනීය බලශක්‌ති අමාත්‍යාංශ විසින් සංවිධානය කො තිබූ අතර මෙහි දැක්වෙන්නේ එහි දි සැලකිල්ලට ලක් කළ කරුණු කාරණය
වල්ලපට්‌ටා ශාකයේ ජීව විද්‍යාත්මක ලක්‌ෂණ
මෙම ශාකයේ උද්භීද විද්‍යාත්මක නාමය Gyrinops wallas wdlla ය. වල්ලා යන්න සිංහල භාෂාවෙන් මෙම ශාකය හැඳින්වීමට යොදාගත් නාමයයි. වල්ලපට්‌ටා ශාකය Thymelaeaceae කුලයට අයත් වේ. Gyrinops ඝනයට ශාක විශේෂ 8ක් පමණ අයත්වේ. වල්ලපට්‌ටා ශාකය ශ්රී ලංකාවේ තෙත්කලාපීය හා අතරමැදි කලාපීය ප්රදේශවල බහුල වශයෙන් පැතිර පවතින අතර එම ප්රදේශයේ වනාන්තර තුළ යටි ස්‌ථරය තුළ විසිර පවතී. අපේ රටට අමතරව මෙම ශාකය ඉන්දියාවේ කේරළ, තමිල්නාඩු ප්රදේශවල සුළු වශයෙන් පැතිරී ඇත.
Thymelaeaceae කුලයට අයත් ශාකවලට බාහිරව යම් ආපදාවකට ලක්‌වූ විට ක්‌ෂුද්‍ර ජීවී ආසාදනයන්ගෙන් ආරක්‌ෂාවීමට ද්වීතීක ස්වභාවික ආරක්‌ෂන උපක‍්‍රමයක් (secondary defensive mechanism) ලෙස ශාක කෙක්‍ෂන් රෙසිනයක්‌ (Agarwood) නිෂ්පාදනය කරයි. මෙම කුලයේ ශාක ඝන අතර Aquilaria ශාක ඝනය අගාවුඞ් නිෂ්පාදනයේ ප‍්‍රමුඛ ස්ථානයක් හිමි කරගෙන ඇත. Gyrinops ඝනයේ ශාකද අගාවුඞ් නිෂ්පාදනය කරන නමුත් එක් ශාකයක නිෂ්පාදනය කරන Agarwood ප‍්‍රමාණය ගසේ බරට සාපේක්‌ෂව ඉතා සුළු බව අධ්‍යයන වාර්තා පෙන්වා දෙයි.
වල්ලපට්‌ටා ශාකයේ රූප විද්‍යාත්මක ලක්‌ෂණ
ශාකයේ සාමාන්‍ය උස මීටර් 5-7ක් පමණ වේ. එළිමහන් ස්ථාන වල හා වනාන්තර වල යටි ස්‌ථරයේ දැක ගත හැක. ගසේ පොත්ත කොළත් සමගම ගැලවී යාම ශාකයේ ප්රධාන ලක්ෂණයකි. ඒකාන්තර පත‍්‍ර වින්‍යාසයක්‌ දරන උප පත‍්‍ර රහිත ශාකයකි.එකල පිහිටි පත‍්‍ර 2 ක් අතර දුර සෙ.මී. 2.5 පමණ වේ. පත‍්‍ර තලය සෙ.මී 10-12 පමණ දිගකින් හා සෙ.මී. 5 ක් පමණ පළලකින් යුක්‌ත වේ.
පත‍්‍ර අග‍්‍රය තීව‍්‍ර ස්‌වභාවයක්‌ ගන්නා අතර පත‍්‍ර පාදය තරමක්‌ පළක්‌ ස්‌වභාවයක්‌ ගනී. ලපටි පත‍්‍ර කහ පැහැයක්‌ ගන්නා අතර පහතට නැවී ඇත. අන්වීක්‌ෂයකින් බැලූ විට ලපටි පත‍්‍ර වල මැද නාරටි දෙපස හා පත‍්‍ර දාරයේ සිහින් බූවක්‌ දැකිය හැකිය. පරිනත පත‍්‍ර තද කොල පැහැයක්‌ ගන්නා අකර දිලිසෙන ගතියක්‌ දරයි.
මෙහි පත‍්‍ර වෘන්තය මි.මී. 6 ක් පමණ වන අතර එය සුළු කෝණයක්‌ සාදමින් කඳට සවි වේ. පත‍්‍ර දාරයතරමක්‌ රුළි ස්‌වභාවයක්‌ උසුලන අතර එය කඩතොලූ වලින් තොර සිනිඳු ස්‌වභාවයක්‌ ගනී. මැද නාරටිය පැහැදිලිව දිස්‌වෙන මුත් නාරටි ඉතා ලංව හා සිහින්ව පත‍්‍ර තලයේ හරස්‌ අතට පිහිටයි.
ශාකයේ මල් හට ගැනීම අපේ‍්‍රල් සිට ජූලි දක්‌වා සිදුවන අතර මේ කාලයේදීම නොමේරූ ගෙඩිද දැකිය හැක. මල් හට ගන්නේ පුෂ්ප මංජරියකයි. ඒවා සුදු පැහැයට හුරු ලා කහ පැහැයක්‌ ගනී. පුෂ්ප මංජරියක මල් 6ක් පමණ හට ගනී. පුෂ්පිකාව පෙති පහක්‌ පමණ දක්නට ලැබේ. පුෂ්ප හා ඵල හට ගැනීම එකම කාලසීමාවකදී දැකිය හැක. මල් හට ගැනීම අඩු වයසින් සිදු වන අතර අඩි 2-3 ක් උස් ගස්‌ වල පවා ඵල හට ගනී. එක් කුඩා ගසක ඵල 20×30 ක් ප‍්‍රමාණයක්‌ දැකිය හැක.
වල්ලපට්‌ටා ශාකයේ භාවිතය
වල්ලපට්‌ටා ශාකය සඳහා මෑත කාලීනව අධික ඉල්ලුමක්‌ ඇතිවීමට හේතුව ශාකය මගින් නිස්‌සාරණය කරනු ලබන රෙසිනමය රසායනික ද්‍රව්‍ය (Agarwood) මගින් නිෂ්පාදනය කරන සුවඳ විළවුන් හා ඖෂධ හේතුවෙනි. එම රෙසිනමය රසායනික ද්‍රව්‍ය ලෝක වෙළඳ පොලේ ඉතා ඉහල මිලකට අලෙවි වේ.
සංස්‌කෘත භාෂාවේ ‘අයුරු’ ලෙස හැඳින්වෙන මෙම රසායනික ද්‍රව්‍ය, විවිධ සංස්‌කෘතීන් හා භාෂාවල විවිධ ආකාරයෙන් හඳුන්වනු ලැබේ. අතීතයේ සිටම මෙම ශාකය සමග මිනිසුන් නෑ සබඳතා පැවැත්වූ බවට මෙය කදිම සාක්‌ෂියකි. ලොව ඉපැරණි ම ග‍්‍රන්ථ අතරට ගැනෙන සංස්‌කෘතවේද ග‍්‍රන්ථ අතරද ‘අයුරු’ පිළිබඳව සඳහන් කර ඇත.
මෙම සුවඳට සමාන සිත් ඇදගන්නා සුළු වෙනත් ස්‌වභාවිකවම නිපදවන සුවඳක්‌ වර්ථමානය දක්‌වා සොයා ගැනීමට නොහැකිවීම මෙම Agarwood සඳහා විශාල ඉල්ලූමට හේතුවී ඇත. ක‍්‍රිස්‌තු වර්ෂ 3 වන සියවසේදී චීන දේශාටකයන්ගේ වාර්තා වලට අනුව වර්තමාන වියට්‌නාම දූපත් වාසීන් මෙම රසායනික ද්‍රව්‍ය නිස්‌සාරණය කරන ලද බව සඳහන් කරයි.
එසේම ආයුර්වේද ග‍්‍රන්ථයක්‌ වන සුශ‍්‍රෑත සංහිතාවේ හා ආදී මුස්‌ලිම්වරුන්ගේ වාර්තාවලද මෙම රසායන ද්‍රව්‍ය වල ඖෂධිය ගුණ පිළිබඳ සඳහන් කරයි. 13 වන සියවසේදී අරාබි ජාතිකයන් මෙම මිල අධික සුවඳවත් ද්‍රව්‍ය භාවිතා කළ බවට ඉස්‌ලාමීය දේශ ගවේෂක ඉබන් බතුතා සඳහන් කරයි. ‘A Thousand and one Night’ ග‍්‍රන්තයේ සඳහන් පරිදි මෙම සුවඳවත් ද්‍රව්‍ය විශේෂ උත්සව අවස්ථා වලදී තම නිවෙස්‌ සුවඳවත් කිරීම සඳහා යොදාගෙන ඇත. සුඛෝපභෝගී ජීවන රටාවකට අනුගත වූ සමාජයේ ඉහළ පැළැන්තියේ පිරිසකගේ ජීවන තත්වය විදහා දක්‌වන නිෂ්පාදනයක්‌ ලෙස තවදුරටත් මෙය හුවා දක්‌වා ඇත.
ඉන්දියාවේ මෙම රසායනික රෙසිනමය ඇදුම රෝගයට, බඬේ අමාරුව, අතීසාරය, ගලගන්ඩය, රූමැටික්‌, අංශභාගය, ලිංගික ශක්‌තිය වර්ධනය කිරීම, සමේ රෝග සුව කිරීම සඳහා යොදාගෙන ඇත. මෙම ශාකයේ කුඩා කැබලි තෙල් තුළ බහා ශරීරය සුවඳවත් කිරීමට යොදාගනී. විවිධ කැටයම් වර්ග තැනීමටද මෙම ශාකයේ ලී භාවිතා කරයි.
වර්තමානයේ ඉතා උසස්‌ තත්වයේ රෙසිනමය රසායනික ද්‍රව්‍ය නිෂ්පාදනය කරන රටවල් අතර තායිවානය, කාම්බොජය, වියට්‌නාමය වැනි රටවල් ප‍්‍රධානවේ. එම රටවල් නිෂ්පාදනය කරන මෙම රසායනික ද්‍රව්‍ය සඳහා ජපානය, කොරියාව, චිනය සහ යුරෝපීය රටවලත් හා මැදපෙරදිග රටවලත් ඉහල ඉල්ලූමක්‌ පවතී. විශේෂයෙන් අරාබි රටවල Agarwood සඳහා විශේෂ ඉල්ලූමක්‌ පවතින්නේ එය මධ්‍යසාරයෙන් තොර නිෂ්පාදනයක්‌ වන බැවිනි.
වල්ලපට්‌ටා ශාකයේ වර්තමාන තත්වය
ශ්රී ලංකාව සම්බන්ධයෙන් සොයා බැලීමේදී වල්ලපට්‌ටා ශාකය පළමුවරට ප‍්‍රචලිත වන්නේ පසුගිය අවු 4,5 තරම් මෑත කාලයේදීය. 2012 ජූලි 3 වන දින ශ්රී ලංකා රේගු දෙපාර්තමේන්තුවේදී රේගු නිළධාරීන් වෙනුවෙන් පවත්වන ලද පුහුණු වැඩමුළුවකදී ආචාර්ය එස්‌.එස්‌. ප‍්‍රනාන්දු විසින් මුල්වරට වල්ලපට්‌ටා ශාකය අපනයනය කිරීම සම්බන්ධයෙන් කරුණු දක්‌වා ඇත.
වල්ලපට්‌ටා ශාකය පිළිබඳ සිදුකරන ලද මුල්ම වැටලීම වන සංරක්‌ෂණ දෙපාර්තමේන්තුව විසින් 2012 අගොස්‌තු මස 27 වන දින රත්නපුර, කළවාන ප‍්‍රදේශයේදී සිදු කර ඇති අතර එම වැටලීමේදී වල්ලපට්‌ටා ශාකයේ කොටස්‌ අත්තඩංගුවට ගෙන ඇත. මෙම නීති විරෝධී ශාක ජාවාරම කලක සිට සිදුව ඇති බව අනුමාන කළ හැකි සාක්‌ෂි මේ අනුව හෙළි දරව් වී ඇත.
ශ්රී ලංකා රේගු අධිකාරියේ වාර්තා අනුව මෙම නීති විරෝධී ජාවාරම පුළුල් ජාලයක්‌ ලෙස රටපුරා විසිර ඇති බවත් විශේෂයෙන් උතුර, උතුරු නැගෙනහිර ප‍්‍රදේශ ආශ්රිතව මුහුදු මාර්ග ඔස්‌සේ මෙම ජාවාරම සිදු කෙරෙන බවත් සොයාගෙන ඇත. වල්ලපට්‌ටා ශාකයට අමතරව සුදු හඳුන්, දිවි කදුරු ඇට, කබර හූනා, කිඹුල් හූනා සඳහා විශේෂ වෙළඳ පොළක්‌ මෙම ජාවාරම් කරුවන් විසින් ගොඩනගාගෙන ඇත.
මෙම ජාවාරම තුළින් රටට විශාල විදේශ විනිමය ප‍්‍රමාණයක්‌ අහිමිවනවා පමණක් නොව අපේ රටට ආවේනික ශාක හා සත්ත්ව ප‍්‍රජාවත්, ජානමය අයිතියත් එම ශාක හා සත්ව විශේෂ වෙනුවෙන් පේටන්ට්‌ බලපත‍්‍ර ලබා ගැනීමේ හැකියාවත් අපට අහිමි වනු ඇත.
නීතිමය පියවර
අධික ලෙස පරිසරයෙන් ඉවත්කිරීම මත තර්ජනයට ලක්‌වූ වල්ලපට්‌ටා ශාකය laITES හෙවත් තර්ජනයට ලක්‌වූ ශාක විශේෂ එකරටකින් තවත් රටකට ගෙනයාම තහනම් කිරීමේ සම්මුතියේ (Convention on International Trade of Endangered wild Fauna and Flora) දෙවන උපලේඛනයට ඇතුලත් කර ඇත. 1995 දී ප‍්‍රථමයෙන්ම Aquilaria malacceìis විශේෂය මෙම සම්මුතියේ දෙවන උපලේඛනයට ඇතුලත් කෙරුණු අතර 2004 වසරේදී සියලූම අයුරු නිෂ්පාදනය කරන ශාක විශේෂ මෙයට ඇතුලත් කෙරුණි. අවදානයට ලක්‌වීමේ විභවතාවයක්‌ ඇති ශාක මෙම සම්මුතියට ඇතුලත් වන අතර එවැනි විශේෂ අන්තර්ජාතික වෙළඳාම, නියාමනය හා අධීක්‌ෂණය කිරීම සඳහා වෙනමම ආයතනයක්‌ ද පිහිටුවා ඇත.
ශ්රී ලංකාවේ වර්තමානයේ පවතින නීතිමය රාමුව තුළ වල්ලපට්‌ටා ශාකය ආරක්ෂිත ශාකයක්‌ ලෙස නම් කර නැත. නමුත් වන සංරක්‌ෂන ආඥා පනතේ පවතින විධිවිධාන යටතේ වනාන්තර තුළින් මෙම ශාකය හෝ වන ද්‍රව්‍ය උකහා ගැනීමේදී නීත්‍යානුකූලව කටයුතු කළ හැක.
ඒ අනුව සංරක්‌ෂිත වනාන්තරවලට අදාළව, 2009 අංක 65 දරණ සංශෝධිත වන සංරක්‌ෂණ ආඥා පනත යටතේ 6 (අ), (ඇ) වගන්ති අනුවද, රක්‌ෂිත වනාන්තර සඳහා 1979/12/26 දිනැති අංක 68/14 ගැසට්‌ පත‍්‍රයේ 1979 අංක 01 දරණ නියෝග මාලාව අනුවද සංරක්‌ෂිත, රක්‌ෂිත කැලෑ හෝ ගම්බද කැලෑවලට ඇතුලත් නොවන වෙනත් කැලෑවලට ඉහත කී ගැසට්‌ පත‍්‍රයේ 1979 අංක 01 දරණ වන රීති මාලාව අනුවද, වලංගු අවසර පත‍්‍රයක්‌ නොමැතිව ශාක හෝ වනජ ද්‍රව්‍ය එකතු කිරීම, ඉවත් කිරීම හෝ හානි කිරීම කළ නොහැක.
එසේම පුද්ගලික ඉඩමකින් ශාක කොටස්‌ ලබාගත්තද ලංකාව තුළ ප‍්‍රවාහනය කිරීම සඳහා වන සංරක්‌ෂණ ආඥා පනතේ 24(1) වගන්තිය අනුව ප‍්‍රකාශිත 2008/05/09 දිනැති අංක 1548/29 හා 2012/06/11 දිනැති අංක 1762/1 දරණ ගැසට්‌ පත‍්‍රවල නියෝග අනුව කටයුතු කළ යුතු වේ.
ජෝර්දානයේ සංකේතය ලෙස හැඳින්වෙන පෙට්රා නගරය ජෝර්දානයේ මාන්හි පිහිටි ඓතිහාසික සහ පුරාවිද්‍යාත්මක සහ වටිනාකමකින් යුතු නගරයකි. බටහිරින් ගාසා, උතුරින් ඩැමස්කස් හා බොරස් හරහා විහිදී ගිය වෙළඳ මාර්ගයේ වෙළඳ මධ්‍යස්ථානයක් වශයෙන් පැවතීම නිසා මෙය ඉතා දියුණු තත්ත්වයක පැවති බව සිතිය හැකිය. අරාබි කාන්තාරයේ කෙළවරට වන්නට පිහිටා ඇති මේ නගරය කාන්තාර දේශගුණ තත්ත්වයට ඔරොත්තු දෙන පරිදි නිමවා තිබීම මෙහි ඇති විශේෂත්වයකි. මෙහි ඇති තවත් විශේෂත්වයක් වන්නේ පිහිටි ගලෙහිම නිර්මාණය කරන ලද ගොඩනැගිලි දැකිය හැකි වීමයි. මෙම ගොඩනැගිලි අතර පිහිටි දිය අගල්ද මෙහි ඇති තවත් විශේෂත්වයකි. මේ ප්‍රදේශය පිළිබඳ පළමු වරට ලොවට හෙළි කරන ලද්දේ ස්විට්සර්ලන්ත ජාතික ජොහැන් ලුඩ්විග් නැමැත්තා විසිනි. පෙට්රා නගරය ලොව නැරඹිය යුතුම ස්ථාන හතළිහ අතරට ඇතුළත් කර ඇත. එය 1985 දී යුනෙස්කෝ සංවිධානය විසින් ලෝක උරුමයක් ලෙසටද නම් කර ඇත.
චීන කලා ආරවල් හා සාම්ප්‍රදායික ක්‍රම ලොව කිසිදු කලාවකට නොදෙවෙනි ද විය. එයට ඔවුන්ට උතුරු තණ බිම්හි ජීවත් වූ එඩේරවරුන්ගේ වියුක්ත හැඩ තල සහිත සැරසිලි ක්‍රම බලපෑවේය. සිල්ක් රෙදි, ගලින් කල භාජන , පිඟන් මැටි භාජන සහ ඇත් දත් කැටයම් ඒවා අතර විශේෂය. චීන ජාතිකයන්ගේ ආගමික චාරිත්‍ර විධි වලදී පිත්තල භාජන යොදා ගැනිණ. ඒවායේ සත්ත්වයන්ගේ හැඩ වලිනුත් භූමියේ සශ්‍රීකත්වය විදහා පාන විවිධ සංකේත වලිනුත් සරසා තිබුණි. ටෑං රජ සමයේ චීන කලාව වඩාත් දියුණුව පැවතියේය. මෙම වකවානුවේදී චීන කලා ශිල්පීන්ට ඉන්දියානු ශිල්පීන්ගේ ආභාසය නොඅඩුව ලැබී තිබුණි. මේ කාලයේ ඔවුහු සෞම්‍ය , චාම් මූර්ති නිර්මාණය කලේය. එනමුත් කල් යත්ම චීන නිර්මාණ සංකීර්ණත්වයට පත් විය. ක්‍රි.ව. 10 සියවසේ ටෑං රාජ යුගයේ පරිහානියත් සිවිල් යුද්ධයත් මෙයට බලපෑවේය.
අප දේශයේ විමුක්තිය උදෙසා සටන් කළ අභීත, වීරෝදාර සිංහලයෙකු මාතලේ අධිරාජ්‍ය විරෝධී කැරැල්ල මෙහෙය වූ බව වංශකතාව කියයි. අද ද මාතලේ නගරයේ ඔහු වෙනුවෙන් ස්මාරකයක් පිහිටුවා ඇත. මේ අභීත සිංහලයා උපන්නේ 1812 නොවෙම්බර් 7 වෙනිදා මොරටුවේදීය. පිය පරපුරෙන්ම (වීර) නම ඔහුට එකතු වී ඇත.කුඩා කල සිටම අසාධාරණයට එරෙහිව නැගී සිටි චරිතයකි. පාසල් දිවියෙන් සමු ගත් ඔහු , බ්‍රිතාන්‍යයන්ට පක්ෂපාතීව සිටි ගම්මුලාදෑනියෙකුට විරුද්ධව පළමු සටන ආරම්භ කර ඇත. පුරන් අප්පු ප්‍රතිපත්තිගරුක මිනිසෙකි. මේජර් රොජර්ස් නම් පුද්ගලයා බොරු චෝදනා ඉදිරිපත් කරමින්, පුරන් අප්පු අත්තඩංගුවට ගත් විට පුරන් අප්පු ශාප කළ නිසා මේජර් රොජර්ස්ට අකුණු සැර වැදී මිය ගිය බව සඳහන් වේ. බ්‍රිතාන්‍යයන්ට එවකට පැනවූ බලු බද්ද, තුවක්කු බද්ද ආදී බදු වලට එරෙහිව නැගී සිටි ඔහු , දුප්පත් ගැමියෙකුගේ පැමිණිල්ලකට අසාධාරණ ලෙස දුන් තීන්දුවකට එරෙහිව ඩෝසන් නම් විනිසුරුවරයාගේ නිවසට පහර දී, එය සුනු විසුනු කළේය.update.PNG/350px-South_Asia_(ed)update.PNG)
දකුණු ආසියනු කලාපය ආසියා මහද්වීපයේ අනෙකුත් ගොඩබිම්වලින් වෙන් වන්නේ උතුරින් ඇති හිමාලය පවුරින් බව ඉහත පාඩමේදී ඔබ ඉගෙන ගෙන ඇත. හිමාලය,හින්දුකූෂ්, සුලෙයිමන්, කාරකෝරම් වැනි කදු වැටි වලින් මෙම සීමාව සකස් වී ඇත. ලෝකයේ උසම මුදුන වන එවරස්ට් කදු මුදුන පිහිටා ඇත්තේද හිමාලය කදු වැටියේයි. ඉන්දියාවට අයත් අනෙක් කදු වැටි ලෙස දකුණු ඉන්දියාවේ බටහිර ඝාට්ස්, නැගෙනහිර ඝාට්ස්, සත්පුර, මහාදෙව්,වින්ධ්‍යා ආදී කදු වැදගත් වේ. මේ සියලු කදු අතුරින් හිමාලයා වැටිය මහා මේඝයක් සේ කැපී පෙනේ. නේපාලය හා භූතානය හිමාලය වැටියේ දකුණු පාමුල ප්රදේශයේ පිහිටා ඇති රටවල්ය. උස් කදු හැරුණු විට මෙම කලාපයේ කැපී පෙනෙන අනෙක් භූ ලක්ෂණය වන්නේ ඉන්දු ගංගා මහා තැනිතලාවයි.ඉන්දියාවේ විශාල ගංගා දෙක වන සින්දු ගග සහ ගංගා නම් ගග මේ හරහා ගලා බසී. ලෝකයේ විශාලම ඩෙල්ටාව ගංගානම් ගග මුහුදට වැටෙන ස්ථානයේ පිහිටා ඇත. බංග්ලාදේශය හා සුන්දර බාන්ස් වගුරැ බිම මෙහි පිහිටා තිබේ. බටහිර ඝාට්ස් හා නැගෙනහිර ඝාට්ස් වලින් මායිම් වී ඇති ඩෙකෑන් සානුව, තවත් භූ විශමතා ලක්ෂණයකි. මෙය ලාවා වලින් සකස් වූ පැරණිම භූ ස්කන්ධයක් ලෙස හැදින්වේ.
මධුශංක ජයනාත්, PCSchool පරිගණක පාසල, නෙළුව.Madushanka Jayanath,PCSchool computer school,Neluwa 